最近发现一个博客内容不错，所以从今天开始我有空就会转贴一下那博客的内容。原帖全在FB，所以网址我就不贴出来了。
雷绍麟：《光辉岁月》（2013年8月18日）
1993年，黄家驹命丧日本。
记得റ年，有一次搭的士，个的士佬问我：「你知唔知系边个害X死黄家驹？」
「日本仔罗！」
「梗系唔系啦！系黎明呀！」
「关黎明咩事呀？」
「Beyond系因为唔满意香港乐先至走去日本发展。黎明唱到咁X难听都红，咪激到黄家驹去咗日本罗。唔系黎明，黄家驹唔使死啦！」
2006年，我第一次返大陆做嘢，长驻长沙。
第一个礼拜，搭咗十次的士，有九次个的士佬都系听Beyond。
我问啲的士佬，知唔知佢唱紧乜，佢哋话基本上都知，净系唔系Beyond呢个字点解。
റ时，我第一次知道，死咗十几年嘅黄家驹喺大陆有咁多fans。
2013年，家驹逝世二十周年。早两日搭的士，只系听到电台喺度讲林慧思同CY，真系闷到呕。
打开天天动听TT Pod，谂住download啲歌。
热门搜寻竟然弹出「光辉岁月」同埋「海阔天空」。两首都成40万download。
当年Beyond最叻嘅碟都系卖15万只左右。
如果依照当年的士佬嘅理论，害死黄家驹嘅可能系英国政府或者中国政府。如果香港早啲回归， 又或者中国早啲改革开放，Beyond有大陆咁大个market就唔使去日本。
我成日谂，如果家驹未死，佢见到今日嘅世界，佢会有咩感受呢？
见到大家互相臭骂，又话大家系大陆人，香港人。又话你系咩派咩派，我系乜党物党。我谂起家驹嘅词：
可否不分肤色的界限
愿这土地里　不分你我高低
缤纷色彩闪出的美丽
是因它没有　分开每种色彩
香港的多元或许是最最应该大家珍惜的地方。
怀念永远年轻的家驹。