张国荣边个话我尘
张国荣逢人便推荐他的新作『倩女幽魂』。『真系好正好正嘅戏,唔睇就走宝。』张国荣以既认真又带警告语气说。『哗!几时变得咁hard sell,咁宣传的语气。』我乘机提醒他。『唉,我唔系自己同自己做宣传,系真系好好嘅戏嚟!』张国荣再次强调说。暑假档期。『秋天的童话』与『倩女幽魂』打正对台,截槁之时,看票房收入,似乎仍是『秋天』占了先利,因此笑问张国荣:『咁你嘅睇法系『秋天的童话』正啲抑或你嘅『倩女幽魂』好D?』『好难咁样比较,根本两个剧嘅剧种都唔相同,我自己就认为各有千秋,各有捧场客啦!』张国荣一本正经说。『几时又变得咁谦顺、礼让?』我笑问他。『唔系谦顺,根本我一向性格如此,人地话我焦积,话我尘,只系唔了解我概为人,若果熟识我嘅朋友,都知道我唔系那种人!』对自己,张国荣一向自信,不过,他也相信一句话:树大招风,为免遭人非议,他现在也尽量对人谦卑。『好似以前,我好少同人主动打招呼,我承认自己性格比较孤独,唔系生张李熟,个个都话死党,但俾人批评得多,我亦接受别人的劝谏,你话我尘:我咪主动同你打招呼,睇下仲有乜藉口闹我。』 『唔!要开始妥协了。』我说。『唔可以话系妥协,我系做人成熟、圆滑咗啫!』张国荣更正说。
『都系唔好好似你一贯性格喎!』『一贯性格始终无改变,不过在娱乐圈立足,有时候都系要四海一家,和睦共处啫!』『咁你会唔会埋堆?』『埋什麼堆?』张国荣问。『电影堆都唔系好多堆可以埋睹,你自己应该会有答案。』『我谂我嘅性格仍然未可以做到呢一样野,工作就系工作,工作之余,我希望得到充足的睡眠休息时间,来应付未来一日的工作。』
在娱乐圈内,梅艳芳是张国荣的异性知己,不过阿梅的朋友,又未必尽是张国荣的知己朋友。『每个人生活圈子不相同,坦白说我没有阿梅那种交游广阔的精神,佢晚晚可以「蒲」到三四点唔瞓,我就唔得啦!你可以睇下,我有几何出现夜店或的士高内。』『许多艺人都说,晚间落的士高,一来可以松驰神经,二来又可以聊天聊个饱。』『我唔驶用呢种方法去松弛神经,平时可能见得太多的人群,休息的时侯,我宁愿一个人躲在家中,看录影带、看书亦可以消磨我好多时间的了。』
虽然张国荣是家中的老么,但从小他便培养独立的性格,他自嘲曰:可能由细已经孤独惯,所以他长大之后,他反而喜欢一人独处的时侯。『如此孤独性格,似乎不太适合娱乐圈发展喎!』『系呀!自己有时都觉得唔系几夹呢个圈子,不过我好钟意唱歌,好钟意演戏,若果唔做呢行,都唔知做D乜野好。』
影人流行埋堆之余,更流行夹份投资做生意,问张国荣可有兴趣亦来一个经营副业,为将来做生意铺定后路?『唔会,从来没有这个想法,我相信做生意系力不到不为财,若果做得唔咸唔淡,不如唔好做,何况同人合资,人多意见多,若果因为意见不合伤了感情,更加无谓。』『或许是你自己过份主观吧。』『咪系咯,性格主观都系好难同人合作,除非那种生意真系好合我心水啦!』 听黎小田说,明年暑假张国荣会再举行个人演唱会,问到张国荣此事,但又话十画未有一撇。 『想系咁想过,不过都系唔好讲咁多,无谓又俾人话我煲无米粥。』许或是名气愈重,张国荣说话言行亦倍加小心也!
大众电视 TV News Weekly 1987
![](http://imgsrc.baidu.com/forum/w%3D580/sign=772f58388444ebf86d716437e9f9d736/e24af682b2b7d0a210bb65a6c8ef76094b369a1d.jpg)
![](http://imgsrc.baidu.com/forum/w%3D580/sign=76e105d182cb39dbc1c0675ee01609a7/a4ba184543a9822664d94a1c8982b9014a90eb74.jpg)
![](http://imgsrc.baidu.com/forum/w%3D580/sign=cb3ede89ba014a90813e46b599773971/bdadf82c11dfa9ec5f3a372c61d0f703918fc170.jpg)