林子祥(阿Lam)今日喺铜锣湾举行原创发烧碟《LAMUSIC Original》发布会,阿Lam更亲手为新碟封套画自画像,佢喺台上说:「呢几年,成日画画搞到对眼老花,因为新碟嘅歌系原创,加埋呢张画系package。」
碟内有一首国语歌《小苹果》,出自阿Lam手笔,系讲述照顾林德信(Alex)嘅过程,Alex则唱广东版。
阿Lam透露新英文歌《Make My Day》邀请太太叶蒨文(莎莉)和唱咗四句,更搞笑谓:「女人唔可以畀佢讲太多,四句到肉已经够啦。」
佢仲大赞莎莉录音快手:「唔使十零分钟就搞掂。首歌系话我诉苦,佢话我抵死,因为Blues多数系讲辛酸,要咁唱先有味道。」
问阿Lam日常是否视莎莉为倾诉对象?佢就话:「都咁多年,佢有听晒嘅歌都好钟意。」他笑言如果莎莉出碟,会考虑写歌。