原版繁体字
一划
一三五七九——无伤（双）
一竹篙揽尽一船人——不分好歹
一步登天——大想头
一拜深，二拜浅——过犹不及
一个田螺沦镬汤——冇味
一个酸梅两个核——今时唔同往日
一家十五口——七嘴八舌
一头雾水——不知宗

两划
七姐反宫衣——花样随时变
二奶仔（庶出）——低人一等
二叔公食芋头——松又一个，松又一个（松，俗指溜走）
二叔公割禾——望下橛
二叔婆挖心——有分有数
二叔婆养猪——好心机
二花面颈——当场火爆
二马同槽——必然打斗
八十岁婆婆食狗肝菜——无事找事害
八仙过海——各显神通
八面台口——难於应付
十五个水桶——七上八落
十月芥菜——欺（起）心
十月蔗——甜归尾
十字街头贴告示——众所周知
十个罂九个盖——盖极唔齐
又想守清又想嫁——把心唔定

三划
三十一钱分两份——十五十六
三斤孭二斤——勉力而为
三国尽归司马懿——独捞
三脚凳——坐唔稳
三脚猫——不顶用
丈八金刚——摸不著头脑
上白米——无腔（糠）
上西天告佛——量你办不到
乞儿骑马——湿（琐）碎多
千里送鹅毛——礼轻情意重
千尊菩萨一炉香——齐齐有请
口水多过茶——大耍嘴皮
口同鼻拗——终无结果
土地灯笼——夜不收
大石轧死蟹——动弹不得
大光灯——噱噱声
大板凳——位位都坐得
大泥砖——塞门口
大花面抹眼泪——离行离埒
大花面道白——一番焦虑
大花筒——乱散（大花筒，焰火的一种）
大屋猫——唔喊唔得食
大洲龙船——唔入教（滘）
大海捞针——事渺茫
大镬蒸餸——样样都熟
山水画——冇人
山顶屎——通天臭

四划
五十斤柴——一乐（络）也
六月赏雪——白费心思
六月著皮袍——称家之所有
切菜刀剃头——牙烟
太公八十遇文王——发得迟
木头公仔——任人舞
水瓜打狗——唔见一橛
水流柴——冇定著
水浸缸瓦铺——盆满钵满
水浸眼眉——唔知到死
水壳仔——唔蒲（浮）得几耐
水过鸭背——点滴不留
水银泻地——无孔不入
火腿绳——凭人矜贵
火烧眉毛——且顾眼下
火烧旗杆——长叹（炭）
火麒麟——周身瘾（印）
牛奶嘴——阿初哥（学艺的）
牛皮灯笼——点极唔明
牛耕田，马食谷——各有各的福
牛噍牡丹——唔知花定草
王先生医眼——有凸
冇（珓）杯菩萨——唔出主张
冇毛鸡打交——嘴嘴到肉
冇皮柴——光棍
冇耳皮喼——上托下挟
冇尾飞铊——收不回来
冇柄士巴拿（扳手）——得棚牙
冇柄茶壶——得把嘴
冇掩鸡笼——自出自入
冇头乌蝇——乱冲乱撞
冇擫笛——系又哟，唔系又哟

五划
代人（灵童）——冇性（姓）
冬前腊鸭——一只带一只
出炉铁——不打不成器
包尾大翻——压轴好戏
半斤八両——两相当
半夜食黄瓜——唔知头共尾
古老石山——一景
四方木——踢一踢，辘一辘
外生狗——养唔熟
失匙夹万——钱多唔到手（夹万，俗称指保险箱）
市桥蜡烛——假细心（芯）
打屎窟打边炉——绝唔同味
打真军——功夫过硬
打错更——失预算
打斋鹤——度人升仙（诱向坏嗜好）
打烂斋钵——一朝破戒
瓜甜蒂苦——物不两全
瓦封领——包顶颈
瓦面藤菜——晚头生勾勾，日头死吊吊
瓦檐狮子——叻到吻（满）
瓦罉煲饭——旁边出气
生仔姑娘醉酒佬——说怕不怕
生白果——腥夹闷
生骨大头菜（芜菁）——纵（种）坏
生虫拐杖——靠唔住
生鸡入，鸡出——被剦（刮削）
生锈刀——听喝（粤俗称磨刀为喝）
生螆猫——入眼
甩绳马骝——抓佢唔到
白毛猪——家家有
白鼻哥陪考——听丢架
白撞雨——赞（蘸）坏人
白鸽眼——附旺不附衰
白蚁蛀观音——自身难保
白露水——冇益人
白蟮上沙滩——唔死一身潺（涎）
皮鞋筋——一扯就到
石地塘铁扫把——硬斗硬
石灰箩——到处留痕
石室钟——大声夹冇准
石屎楼——无叮（钉）无板（嘲唱曲不合节拍）
石狮子——大开口
禾杆穿针——难过眼
光棍佬教仔——见便宜莫贪
光棍遇著冇皮柴——滑斗滑

七划
佛山过城——近便
冷水烫鸡——一毛不拔
冷巷担竹竿——直出直入
吹熄灯笼买火枝——明体贴
床底下放纸鸢——要高也高不来
床底下破柴——撞大板
床底下踢毽——一般高
床板跳上席——所差无几
杉木灵牌——唔做得主
沙甸鱼（罐头）——摔到实
沙蝉跌落地——冇声出
沙湾灯笼——何苦（府）
灶君老爷上天——有句讲句
秀才手巾——包输（书）
秀才遇老虎——吟诗都吟唔甩
秀才遇著兵——有理讲唔清
芋头点糖——心淡
豆腐刀——两面光
豆腐佬担梯——成了例（源自民间故事）
豆腐捞醋——好做唔做
阿佗行路——中中（舂舂）地
阿均卖大头（鱼）——好嗡唔嗡
阿桂姐买布——唔讲个笔（匹）
阿婆猪——独一
阿崩吹箫——漏气
阿崩咬狗虱——唔死有牌慌
阿妈系女人——谁都知道
阿兰契阿瑞——大家累斗累
阿兰卖猪——一千唔卖卖八百
阿聋送殡——唔听死人笛
阿聋烧炮——散晒

八划
和尚仔念经——有口无心
拉牛上树——十分牵强
招牌钩——开张靠佢
披蓑衣救火——惹祸上身
拍手无尘——分文不有
拚死食河豚——俾命搏
拆穿西洋镜——不值一观
拆时辰钟卖烂铜——倒算
放路溪钱——引死人
东莞腊肠——短度阔封
泥水佬开门——过得自己过得人
泥牛入海——一去无消息
泥菩萨过河——自身难保
波罗鸡——靠黐
油（余）甘子命——先苦后甜
炒鱿鱼——卷铺盖（辞退）
狗上瓦坑——必有条路
狗肉包——唔登得大台
狗咬吕洞宾——不识好丑人
盲公布袋——自开自解
盲公睇戏——听声
盲佬上楼梯——摩（摸）登
盲佬食云吞——心中有数
盲婆穿针——靠碰彩
空枪上阵——毫无准备
肥佬买笠衫——几大就几大
花被冚鸡笼——外头好睇裏头空
金刚扫地——劳神
门口狗——恶唔得远
青砖沙梨——咬唔入反蚀口水
非洲和尚——乞人憎（黑人僧）

九划
剃刀门楣——出又刮，入又刮
剃须长鼻毛——各人之所好
削皮田鸡——死不闭眼
姜太公封神——忘记了自己
姜太公钓鱼——愿者上钩
屎坑三姑——易请难送
屎坑石头——又硬又臭
屎坑挂彩门——唔相称
屎坑卖草纸——问心
屎头硬，屎尾软——后劲不继
屎氹关刀——文（闻）唔得，武（舞）唔得。
洗脚唔抹——乱（——）扔
玻璃眼镜——假精（晶）
玻璃棺材——点滴不漏
皇帝女——唔忧价（嫁）
盆上种莲——怨偶（冤藕）
缸瓦船打老虎——尽地一煲
要仔住声敲镬耳——一味姑息
风水尾——破落户、败家子
飞天火屎——到处招尤
飞象过河——离谱（出了格）
飞机火烛——销魂（烧云）
食死猫——夹硬吞
食得蒜头多——大口气
食猪血屙黑屎——当堂见功（恭）
食咗草龙——好唱口

十划
倒挂腊鸭——一嘴油
倒乱砖头——冇个啱（谓与人都合不来）
倒泻箩蟹——沙沙滚
倒瓤冬瓜——得个壳
家家观世音——一式如是
海龙王辞水——舍了命根
浮头鱼——死梗（浮读蒲）
乌蝇褛马尾——一拍两散
琉璃油——浮面
神仙屎——唔嗅（臭）米气
神台猫屎——神憎鬼厌
粉牌字——随便抹
纸扎下扒（巴）——口轻轻
纸老虎——吓不倒人
胭脂马——难驾驭
臭田螺——唔出窟
茶瓜送饭——好人有限（茶瓜，病人的忌口小菜）
茶叶翻渣——淡而无味
蚊帐钩——两头挂
针鼻削铁——微中取利
高山滚鼓——不通（象声）
高窦猫儿——难攀配
戙高床板——漏夜赶工夫
桄榔树——一条心
陪太子读书——做个伴
陈村码头——逢赌（渡）必啱
陆荣霆睇相——唔衰攞来衰

十一划
乾柴烈火——无怪其然（燃）
乾隆皇契仔——周日清
偷鸡奉神——舍得双手
哑仔食黄莲——有苦难言
问客劏鸡——虚情假意
问师姑借梳——赚得开口
张士贵打摩天岭——望一下就走
得罪皇帝——冇风（封）
掘尾龙——搅风搅雨
掘头巷——此路不通
第一津——冇谱（甫）
细佬哥剃头——快啦
脱裤屙屁——多此一举
荷包倒吊——花冤枉钱
荷叶擎珠——唔够东风一浪
蛇入竹筒——死直
蛇吞——夹硬噇
蛇见硫黄——骨都软
蛋家打仔——飞唔得上潬
蛋家打醮——冇弹（坛）
蛋家婆攞蚬——第二世（筛）
蛋家鸡——见水唔得饮
豉油碟——任人点
豉油捞饭——整色水
鱼翅炒芽菜——上下唔配
屙尿递草纸——劳而无功（恭）
屙屎落裤——松得一阵
掤尾拉箱——静静溜走

十二划
喇叭裤——比（髀）上不足，比（髀）下有余
单料铜煲——快熟
单眼仔睇老婆——一目了然
棺材伸出手——死要钱
游白云遇雨——冇避
焦延贵带路——实错
发疯屎——臭夹毒
络住屎窟吊颈——稳字过底
菩萨生须——人安
凤梨麻吊皮——唔顶用
街市仔，步头鱼——够精灵
街边仔——有钱冇势
贴错门神——唔照面
买咸鱼放生——不知死活
跑马射蚊须——全无把握
跌眼镜——看差一皮
跛妹睇戏——恨错难返
跛脚画眉——唱得唔舞得
跛脚鹩哥有自来蜢——天生天养
顺风旗——心无定向
黄牛过水——各顾各
黄皮树鹩哥——专食熟个
黄巢坑土地——有钱睇，冇钱使
黄连树下弹琴——苦中作乐
黄肿脚——不消提（蹄）
黄萧养灯笼——终须有日
道公佬教仔——尽符尽法
过河卒——有进无退
过后媒人秋后扇——唔等使
过街老鼠——人人喊打
隔山买牛——断估
隔年通胜（书）——过时无效
隔夜油炸鬼——冇厘火气

十三划
乱石打竹林——或时撞正
塘底凸——水乾至露头
塘边鹤——久不久叮一口
新屎坑——三日香
照烛南无——有谱
矮仔上楼梯——步步高
脚踏两头船——唔落实
落雨收柴——猛擸
落雨卖风炉——越担越重
落雨担遮（打伞）——须顾后
董永失妻——问天攞
贼仔入学堂——碰埋都系输（书）
跪地喂猪乸——睇钱份上
跪倒唔见状（纸）——急时偏出岔
雷公打豆腐——拣软的下手
电灯杉挂老鼠箱——高矮不相称
筲箕冚鬼——一窝神
搇地游水——得个稳字
绣花枕头——徒有其表
韮菜命——长的就割

十四划
划公仔划出肠——多余
寿公打饼——冇个样，整个样
寿星公吊颈——嫌命长
滚水烙猪肠——两头缩
漏底铁罂——多多去晒（）
满肚密圈——暗中得意
算盘倒打——计唔通
算盘珠——一拨一动
蒸生瓜——神神地（傻乎乎的）
蒸笼盖——受气
赶狗入穷巷——反咬一口
铜打酒壶——惜（锡）在心
铜银买病猪——两下偷（审核）欢喜
瘌痢头——难剃
蜞乸命——食饱就甩

十五划
刘备借荆州——一借冇回头
幡竿灯笼——照远唔照近
潮州人玩二弦——自顾自（象声）
熟人买破镬——不顾交情
热火棒——唔调得转头
热锅蚂蚁——走投无路
卖剩蔗——冇地凭
卖糖兼睇戏——顺带
踩低门槛——来往人多
踩著芋荚当蛇——吓怕了
鞋笼沙——扽净至安乐
养牛得泡屎——总算有用场