由韩国女神全智贤同“长腿Oppa”李敏镐主演嘅SBS剧集《蓝海传说》今晚播出第20集大结局，承接上周一集讲到李敏镐得知全智贤身体状况越来越差，决定放心让全智贤返回大海，更让全智贤决定删唔删除自己嘅记忆，两人就热吻起来，之后全智贤就离开李敏镐嘅屋企。
原来全智贤逐一删除认识佢嘅人嘅记忆，同佢哋逐一握手，当同得知佢心意嘅小妹妹握手时，小妹妹话畀全智贤知自己都係人鱼，喺梦中小妹妹妈妈係人鱼，所以小妹妹能够得知全智贤嘅心声。
时间过咗三年，骗子三人组仍然喺李敏镐屋企住，连李敏镐妈妈罗映姬都住喺儿子屋企，李熙俊好奇为何食饭时，仲係留一个空位，唔知畀边个坐一样。
李敏镐变成检察官，但佢都唔记得点解自己想成为检察官，似乎李敏镐被全智贤删除晒所有记忆。李敏镐同李熙俊等人饮酒，饮完酒后，李敏镐就勐讲：“好挂住你。”但佢哋都唔知佢挂住边个，而李熙俊就奇怪李敏镐成日都去海边，唔知点解佢要去。
镜头一转，全智贤返回陆地去首尔，佢仲醒目地叫地快递等佢可以换衣服，仲撞到另一条人鱼。全智贤去到李敏镐屋企找佢，见到李熙俊同李敏镐妈咪，但二人都唔认得全智贤，全智贤入到屋内即忍唔住想喊，但为怕流出珍珠眼泪，所以即时去洗手间，李熙俊好奇全智贤竟然对屋企嘅位置十分认识，仲打畀李敏镐打小报告。
李敏镐返回屋企见到全智贤，但李敏镐完全记唔起全智贤，全智贤喺心中不停讲话，但李敏镐就完全听唔到佢嘅心声，仲问全智贤係边个，全智贤喺心中讲“我爱你”，但口裡却说没有。
全智贤走咗出去，自己心裡苦恼到底应唔应该再返来，此时下起雪来，李敏镐出来搵佢，并说：“你又打算回去吗？”原来李敏镐没有忘记全智贤，仲话无论全智贤删除咗佢100次记忆，佢都唔会忘记全智贤，而李敏镐原来为免忘记全智贤，从好早开始已一直写日记纪录住全智贤嘅一切，为怕自己唔记得，仲日日睇住日记。
李敏镐同全智贤结咗婚，佢仲为咗全智贤搬去海边生活，喺个边做检察官，两人过住幸福生活，全智贤仲怀孕，两人望住大海，平凡过住每一天，大团圆结局。