萬梓良(萬子)噚晚為新戲《今晚打喪屍》去到荃灣謝票,呢部片喺上個月29號上映,3日票房收228萬,成績唔錯。萬子笑話會睇下呢部戲嘅成績,再決定係咪繼續再拍戲:「一直都有老闆、導演送劇本畀我睇,最近出番嚟拍戲,繼續都有人送嚟,最重要自己嘅身體,視乎糖尿病情況,託賴近排身體都幾好。」
萬子話第一次參與謝票,見到觀眾反應好好,好開心,喺觀眾嘅角度去睇,啱啱睇完戲,突然個演員企喺佢哋面前,會好開心,想同演員傾偈影兩張相,咁樣互動自己未試過,佢話可以咁直接聽觀眾嘅反應,除咗舞台劇之外,謝票係一個幾好嘅做法。
對於郭子健寫咗篇《今晚打喪屍》影評,覺得演員個個都做得好好,但劇情同接剪卻令到呢部變成cult片,萬子就話:「我做好自己演員部份已夠,其他嘢唔清楚亦都唔識,呢方面導演比較清楚。」
今個月25號就係萬子嘅60大壽,問到佢打算點慶祝?佢笑笑口話:「仲諗緊,身邊朋友、親人、同事個個開始約我食飯,有排忙。」
萬子話第一次參與謝票,見到觀眾反應好好,好開心,喺觀眾嘅角度去睇,啱啱睇完戲,突然個演員企喺佢哋面前,會好開心,想同演員傾偈影兩張相,咁樣互動自己未試過,佢話可以咁直接聽觀眾嘅反應,除咗舞台劇之外,謝票係一個幾好嘅做法。
對於郭子健寫咗篇《今晚打喪屍》影評,覺得演員個個都做得好好,但劇情同接剪卻令到呢部變成cult片,萬子就話:「我做好自己演員部份已夠,其他嘢唔清楚亦都唔識,呢方面導演比較清楚。」
今個月25號就係萬子嘅60大壽,問到佢打算點慶祝?佢笑笑口話:「仲諗緊,身邊朋友、親人、同事個個開始約我食飯,有排忙。」