广州fc吧 关注:4,267,392贴子:72,807,380
  • 33回复贴,共1

恒大已經無得睇,睇完宏遠水翻貼。

只看楼主收藏回复

終於睇完一場雖然醜陋艱苦但獲勝嘅比賽,就得閑無事同各個球員評下分。


易建聯:7.5分,食咗咁多炒粉之後,第四節終於甦醒,尤其係處于關鍵時候攻防兩端都打出咗一個球隊一哥應有嘅表現,但鑒於三分8中1,所以上唔到八分,唔好意思,就因為你係球隊一哥,所以我個人會對你有更高要求。如果你三分好些少,球隊可能唔使贏得咁驚險。
尼高遜:9分,今場典型全能戰士,內線強攻,外線遠射,籃板,助攻,偷波,蓋帽全齊,有可能會係一個後生加強版迪奧古,就今場比賽而言,無太多嘢可以挑剔。
趙睿:8分,幾個突破鏟籃幾靚下,防守時夠勤力,關鍵時有偷波有助攻。令到阿飛整咗個少有咁強硬嘅IN YOUR FACE鋤樽。但由於罰波同三分表現不佳,所以八分比較適合,因為個人更希望你唔止係一把刀,更加要成為一枝槍。所以原地跳射,急停中遠距離射波,高強度防守之下CATCH AND SHOT三分等訓練項目,要每日至少練幾百個,朱芳雨,畢比,西熱里江,米拿就係你榜樣。要想令自己到更高層次,唯有苦練。
楊金蒙:7.5分,作為今晚一個正選球員,關鍵時老友一直將佢放上場,佢亦都證明咗自己關鍵時刻唔手軟,雖然入波唔多,但都係關鍵波,第一個三分,令到宏遠打咗個進攻高潮,第二個三分更加關鍵,幫宏遠吊命,令到宏遠重新將贏波機會把握係自己手中。如果最後兩罰皆中,至少八分。
周鵬:5分,三分全炒,罰波六中二,上場近33分鐘就只得8分,作為一個老將,球隊隊長,表現唔應該如此之差,或者係表現會有起伏,但如果要成為一個明星球員,就應該比其他球員更加識得自我調節。所以周隊係一個好球員,但離明星,仲係有距離,因為仲神經刀過神經刀。
任駿飛:7分,就憑喺有限嘅上場時間入邊,都可以關鍵時候堅挺咗下,喺前後都有防守球員時敢于雙手鋤樽,尼七分值得,因為換咗其他球員,有可能已經嚇窒咗,就算唔手軟,都有可能只係放籃,噉就容易畀人BLOCK,原以為你就得靈巧,原蒞你都硬得起,希望你以後一直硬落去,而且越蒞越硬,所以私人醒多你一分。
邵英倫:4分,除咗犯規無乜表現,唯一一次得分機會你自己都牛油手失咗。
莊遜:7分,唔知會唔會高咗啲,三分皆失,兩分尚可,領先時一次唔冷靜行為,導致宏遠畀對方一個ROUND追平,但追分階段時又有關鍵上籃,助攻阿聯得分,對富蘭克林嗰波防守尤其重要,可以講係直接令到四川絕望。


結語:希望各位球員,尤其係球隊大佬,隊長,鬼仔,落力練多啲罰波,三分,唔好再喂驚風散畀各位忠實擁躉食。


回复
1楼2017-11-04 23:15


    收起回复
    来自iPhone客户端2楼2017-11-04 23:19
      无体cba好几年了


      收起回复
      来自iPhone客户端3楼2017-11-04 23:19
        今晚打得真系唔好,周队同阿联状态都麻麻,不过班后生仔就真系几出彩,赵睿,胡明轩,杨金蒙今晚都几OK,邵英伦就差d


        收起回复
        来自iPhone客户端4楼2017-11-04 23:41
          @海园路美斯


          回复
          6楼2017-11-05 00:36


            回复
            来自Android客户端7楼2017-11-05 00:43
              漏咗胡明軒,5.5分,除咗第一個三分帶領球隊外線開齋,進攻上無乜建樹,但16分鐘內嘅上場時間可以4+3+3,都唔算太曳,但請努力苦練投籃,因為突破同射波就係後衛球員嘅生存之道。


              回复
              8楼2017-11-05 00:47
                懂球


                收起回复
                来自Android客户端9楼2017-11-05 00:50
                  繁体字睇得吃力


                  收起回复
                  来自iPhone客户端10楼2017-11-05 00:51
                    上赛季的季后赛好痛心


                    收起回复
                    来自Android客户端11楼2017-11-05 00:55


                      回复
                      来自iPhone客户端12楼2017-11-05 01:56
                        广发佬也会水贴?


                        收起回复
                        来自iPhone客户端13楼2017-11-05 10:36