《祝我26岁和雷·阿伦43岁生日快乐》
原创者：哆啦樱木
话咁快又系一年一度我同雷叔嘅生日啦！
都仲系嗰句庆幸能同自己钟意嘅偶像同一日生日，
我都唔记得咗几时开始为雷叔写生日日志，
印象当中都有超过五六年了，哎唔理佢了，
只要我记住以后每年嘅今日坚持写就OK啦。
因为我真系好钟意呢位已经43岁嘅雷·阿伦，
从〇七年底佢被交易到绿军开始就被佢圈粉，
嗰阵我15岁读紧初三，面对中考压力真系大。
佢三分又快又准、姿势又美如画，不愧系君子剑。
特别系比赛最关键时刻，总能挺身而出命中绝杀，
最令我记忆犹新都系2013总决赛面对绝境永不放弃，
对住马刺队嘅马刺射中咗最伟大嘅追平三分，
当时嗨翻全联盟同球迷，但我又开心又难过，
因为敌队嘅麦迪又系我嘅偶像，生涯离总冠军最近嗰一次，
不过都唔会影响到我钟意佢哋两个，都值得尊重嘅传奇球星。
虽然依家我又中意水花兄弟，但系雷叔喺我心目中永远都第一三分手。
如今整整十年过去了，却未搁浅我对雷叔嘅支持，祝你我我生日快乐。
最后真系唔好意思，早上我忙紧发其它嘢，所以推迟到依家先写，
写完都凌晨十二点了，又系新嘅一日，不过唔紧要，有心唔怕迟！
突然记起，今日我喺微博度艾特咗雷叔，希望佢能收到我嘅祝福。
最后分享一首歌畀大家听，早唞。【2018.7.20——7.21】