我85年,佛山人,我唔敢话自己系内地第一批中意睇黄子华栋笃笑噶嗰批人,但绝对唔会超过第二批。
小学时代,亚视就播过子华神噶栋笃笑(嗰阵应该系96年左右,太细个记唔清啦),唔知点解,当时仲系一个小学生噶我,就被呢个当时唔系咁靓仔噶人吸引住,无错,当时子华神真系唔系咁靓仔,可能系因为嗰阵未识打扮。
到咗中学时期,屋企买咗电脑,装咗个唔知乜嘢宽带,有D节目会循环播放,其中就有子华神噶栋笃笑,虽然只有头三个(娱乐圈血肉史、色情家庭、跟住去边度),当时简直系如获至宝,一有机会就开来睇,所以呢三个show记忆最深,甚至可以背。
到咗大学毕业,第一个老细系个香港人,以前以为去香港好困难,要办好多手续,老细话我知“办个港澳通行证就得啦,反正你有时都要过香港帮下手”。07年,终于有条件有机会去香港睇现场,就系第一个四面台噶show————越大镬越快乐,show后更有幸同子华神合影同签名!
自此之后,每一个show都去香港睇现场,有几个show仲香港、广州、佛山睇几次添。07年大镬香港、广州、佛山各一次,09年哗众取宠香港、佛山各一次、10年娱2香港、佛山各一次(现场状况最多噶一个show,子华神几次“掟”咪,香港场试过开场嗰阵支咪无声,佛山场岭南明珠体育馆音响无调试好,前排观众听唔清,岭南明珠体育馆与黄子华栋笃笑从此缘尽,子华神亲自应承大家,以后唔来呢个场馆,宁愿去一个面积更细噶南海体育馆),12年洗燥香港、佛山各一次,14年唔黐线唔正常香港一次,今年18年金盆𠺘口,只限香港,27号睇噶。
有人可能会问,使唔使咁疯狂啊?讲真,我自己都觉得疯狂,点解要咁疯狂?!因为子华神已经年过50啦,呢D show真系睇一场少一场嘎啦,每一次开show我都惊佢会系最后一次,所以每场必睇!唔惊唔觉,我已经睇咗黄子华栋笃笑现场睇咗18年啦,已经又一条好汉啦。
2010年,子华神栋笃笑廿周年,杀入红馆,亦都从嗰阵开始,票越来越难买,唔系,应该话越来越难抢先啱,你无睇错,系抢!但系好彩,每次都受到子华神眷顾,每次都抢到票。尤其系今次,4月24号,特灯请假喺屋企抢票,从朝早十点一直刷到下午两点,终于入到城市售票网,买票全过程只手不停咁喺度震,唔知系攰定兴奋定激动啦,嗰日连午饭都无食,喺电脑面前一坐就系四个钟!
我系一个比较节俭噶人,平时买日用品都会惗过度过,但系去现场噶DVD同周边系惗都唔使惗,直接买买买,就好似今次,回水杯同DVD就唔使讲啦,必买,排长龙都要买,但系可能好多人无留意,其实仲有一个袋卖噶,一个叫“project30”噶PVC袋,好细个,A4纸都比佢大,好贵,268HKD,贵过回水杯+DVD,当时眼都唔眨就买咗啦,点解要买?因为买袋送唔黐线唔正常同金盆𠺘口海报,当然,喺我眼中系买海报送个袋啦。
对于我来讲,子华神其实已经渗入咗我生活里面,平时讲嘢啦,思维方式啦,我身边噶朋友好多都喺我影响之下中意睇黄子华栋笃笑,连我老婆都系,甚至喺我婚礼,我都尝试讲咗一段栋笃笑,虽然其实并唔系几成功,但都总算致敬子华神。
子华神终于完成咗最后26场噶栋笃笑啦,原则上来讲,世上再无“黄子华栋笃笑”,当然,佢自己都留咗条后路俾自己,话“今年”唔会再做啦。其实作为忠实粉丝,心情好矛盾,佢开show固然开心,但同时又担心,毕竟已经快60岁噶人啦,我自己都系搞艺术噶,都有好多舞台经验,深知喺聚光灯之下其实并唔好受,而子华神,一支咪、一杯水、一张凳,张凳仲要唔系拿来坐噶,一企就系两个几钟,而且晚晚如是,真心佩服。
子华神可以话影响咗我一生,衷心感谢您,黄子华!
小学时代,亚视就播过子华神噶栋笃笑(嗰阵应该系96年左右,太细个记唔清啦),唔知点解,当时仲系一个小学生噶我,就被呢个当时唔系咁靓仔噶人吸引住,无错,当时子华神真系唔系咁靓仔,可能系因为嗰阵未识打扮。
到咗中学时期,屋企买咗电脑,装咗个唔知乜嘢宽带,有D节目会循环播放,其中就有子华神噶栋笃笑,虽然只有头三个(娱乐圈血肉史、色情家庭、跟住去边度),当时简直系如获至宝,一有机会就开来睇,所以呢三个show记忆最深,甚至可以背。
到咗大学毕业,第一个老细系个香港人,以前以为去香港好困难,要办好多手续,老细话我知“办个港澳通行证就得啦,反正你有时都要过香港帮下手”。07年,终于有条件有机会去香港睇现场,就系第一个四面台噶show————越大镬越快乐,show后更有幸同子华神合影同签名!
自此之后,每一个show都去香港睇现场,有几个show仲香港、广州、佛山睇几次添。07年大镬香港、广州、佛山各一次,09年哗众取宠香港、佛山各一次、10年娱2香港、佛山各一次(现场状况最多噶一个show,子华神几次“掟”咪,香港场试过开场嗰阵支咪无声,佛山场岭南明珠体育馆音响无调试好,前排观众听唔清,岭南明珠体育馆与黄子华栋笃笑从此缘尽,子华神亲自应承大家,以后唔来呢个场馆,宁愿去一个面积更细噶南海体育馆),12年洗燥香港、佛山各一次,14年唔黐线唔正常香港一次,今年18年金盆𠺘口,只限香港,27号睇噶。
有人可能会问,使唔使咁疯狂啊?讲真,我自己都觉得疯狂,点解要咁疯狂?!因为子华神已经年过50啦,呢D show真系睇一场少一场嘎啦,每一次开show我都惊佢会系最后一次,所以每场必睇!唔惊唔觉,我已经睇咗黄子华栋笃笑现场睇咗18年啦,已经又一条好汉啦。
2010年,子华神栋笃笑廿周年,杀入红馆,亦都从嗰阵开始,票越来越难买,唔系,应该话越来越难抢先啱,你无睇错,系抢!但系好彩,每次都受到子华神眷顾,每次都抢到票。尤其系今次,4月24号,特灯请假喺屋企抢票,从朝早十点一直刷到下午两点,终于入到城市售票网,买票全过程只手不停咁喺度震,唔知系攰定兴奋定激动啦,嗰日连午饭都无食,喺电脑面前一坐就系四个钟!
我系一个比较节俭噶人,平时买日用品都会惗过度过,但系去现场噶DVD同周边系惗都唔使惗,直接买买买,就好似今次,回水杯同DVD就唔使讲啦,必买,排长龙都要买,但系可能好多人无留意,其实仲有一个袋卖噶,一个叫“project30”噶PVC袋,好细个,A4纸都比佢大,好贵,268HKD,贵过回水杯+DVD,当时眼都唔眨就买咗啦,点解要买?因为买袋送唔黐线唔正常同金盆𠺘口海报,当然,喺我眼中系买海报送个袋啦。
对于我来讲,子华神其实已经渗入咗我生活里面,平时讲嘢啦,思维方式啦,我身边噶朋友好多都喺我影响之下中意睇黄子华栋笃笑,连我老婆都系,甚至喺我婚礼,我都尝试讲咗一段栋笃笑,虽然其实并唔系几成功,但都总算致敬子华神。
子华神终于完成咗最后26场噶栋笃笑啦,原则上来讲,世上再无“黄子华栋笃笑”,当然,佢自己都留咗条后路俾自己,话“今年”唔会再做啦。其实作为忠实粉丝,心情好矛盾,佢开show固然开心,但同时又担心,毕竟已经快60岁噶人啦,我自己都系搞艺术噶,都有好多舞台经验,深知喺聚光灯之下其实并唔好受,而子华神,一支咪、一杯水、一张凳,张凳仲要唔系拿来坐噶,一企就系两个几钟,而且晚晚如是,真心佩服。
子华神可以话影响咗我一生,衷心感谢您,黄子华!