總體來說還不錯吧

*嚴禁劇透*
*粗口自行過濾*
*可瘋狂話戲屎但免外表批評人身攻擊*
·
[1230隔夜超短劇評][TVB][金宵大廈 EP03&04]
·
[讚] 今個單元比起第一個單元個意思豐富咗，可能係因為第一二集要交代金宵大廈呢個地方，又要介紹啲主要人物登場，但奶仔嗰個發癲角色冇交代清楚就係真嘅。
·
何太喺第一二集出現，已經知佢有古怪。趙希洛做癲婆同奶仔做癲佬人樣係品質保證，但都希望佢哋兩個可以有其他類型嘅角色發揮吓。（下次不如真係開套係喺精神醫院啦好唔好）
·
我覺得兩集最好睇嗰個位，係徐太同埋何太喺夢裡面相通嘅嗰一段，角色互換又穿插交代返何太之前冇咗個仔嗰一段，好睇。做徐太嘅葉凱茵今次終於唔使做秘書，發揮得好好呀，最後喺天台嗰幕同埋之前伺機搶返個仔都睇到好肉緊。
·
個結尾真係唔錯，何太取代咗徐太，一家人有老公有老婆有奶奶有仔生活得好開心。生活得開心而無血緣，生活得唔開心而有血緣，畀你揀，你想要邊個家庭呢？
·
呀仲有，佢寫到何太好似有用咒，但又寫徐太抑鬱可能有幻覺，模模糊糊我鍾意。
·
[彈] 連續兩個故事單元， 作惡者都有可悲之處。不過兩個單元都對呢部分略略帶過就算。今次其實到寫埋何太徐太喺夢中互換，可以寫吓徐太其實都明何太突然之間無咗個仔嘅痛苦，對佢有一絲嘅同情，好過依家只係得個恐懼，會好睇啲。至少最後天台埋尾嗰幕唔使寫到個無用老公做關鍵拎自己個仔畀何太。
·
兩集以來我都只係feel到何太係癲咗，但睇唔到佢有幾愛自己個仔，如果加強返少少會唔會好啲呢？對住仔個骨灰訴吓思念之情，可以加強關係，又可以令到個氣氛更詭異。
·
[演員表] 陳山聰 飾 蕭偉明 / 李施嬅 飾 Alex / 林子善 飾 膠罐 / 歐陽巧瑩 飾 Mia / 黃子雄 飾 佳爺 / 陸永 飾 蔡San / 康華 飾 Yuki / 劉江 飾 林老師 / 黃致豪 飾 水哥 / 趙希洛 飾 何太 / 鄭耀軒 飾 東東 / 葉凱茵 飾 徐太 / 廖麗麗 飾 徐老太 / 衛志豪 飾 徐生
·
#1230隔夜超短劇評 #TVB #金宵大廈 #葉鎮輝 #羅佩清 #陳山聰 #李施嬅 #林子善 #陸永 #歐陽巧瑩 #黃子雄 #康華 #劉江 #黃致豪 #趙希洛 #鄭耀軒 #葉凱茵 #廖麗麗 #衛志豪

今晚好感動

今晚是不是和娃那個單一樣走親情路線? 我明天才看

演《金宵》哭到坐地回气！高海宁拒做虎妈
继于剧集《婚姻合伙人》初尝当妈妈滋味后，高海宁（高Ling）最近再下一城，于TVB新剧《#金宵大厦#》演一名育有8岁儿子的虎妈。为求儿子学业成绩优异，即使自己工作繁忙，也不惜安排排山倒海的功课班及课外活动，令小朋友喘不过气，实属当今社会很多为人父母所面对的，可谓相当贴地。
演喊戏一Shot落
奇幻的故事加插了小朋友畏惧虚构人物“鸦乌婆”的情节，高Ling也踊跃说：“细个唔乖瞓觉就会畀鸦乌婆捉走，想像佢个样好似巫婆咁，不过呢个单元系令大家对呢样嘢有新定义，入面又有温情元素，带出经历呢啲事后，赚钱未必系最重要。”
今次再演妈妈，对高Ling可谓没有难度，她不讳言向来喜欢小朋友，所以一早与小演员建立好关系，没料此举还能牵动到演戏情绪：“有场戏系讲我失去个仔好心痛，搵仔过程又好长，记得系喊到要坐喺地下回一回气，当日仲要赶天黑前拍晒，都有压力，过程一Shot落，情绪高低起伏，好期待出街系点。”
管唔掂邓智伟
谈到与前辈陈嘉辉演夫妻，高Ling指对方给予鼓励外，还不断迁就其节奏，非常窝心。为配合廿四孝老公角色，嘉辉即使被狂闹及过分管束，仍然默默承受，此举更凸显高Ling的急躁。
问到现实中是否此类人？她说：“唔系！（男友邓智伟意见一致？）唔知，佢可能有想法，到时先算，佢唔会畀我管，艺术家嚟嘅，比较有创意，我都有跟佢学嘢，佢好多新尝试，好似衣着可以Carry到好多唔同类型嘅衫，品味比我好！（将来系虎妈？）应该唔会，冇咁多要求，我系随遇而安，会享受当下，大家呢个Moment够使已经满足，唔一定要赚好多钱，小朋友童年好重要，我童年好快乐，希望下一代都系咁，唔系限制佢嘅创作空间，由得佢自由发挥。”

有没有觉得陈山聪新一集有几分色气难道他不是一个傻傻的看门老头嘛。。。

*嚴禁劇透*
*粗口自行過濾*
*可瘋狂話戲屎但免外表批評人身攻擊*
·
·
[1230隔夜超短劇評][TVB][金宵大廈 EP07&08][鴉烏]
·
[讚] 鴉烏婆係衰人呢個概念係好傳統，好鍾意今次將佢扭一扭，原來佢都衰唔晒喎，因為啲小朋友真係好唔開心，先會跟鴉烏婆走。父母又真係喺小朋友消失之後先識珍惜，有晒前因後果，繼續呢套劇嘅人設原則，就係所謂嘅衰人，佢都衰唔晒。
·
其實傳說故事大家都好熟，如果將佢照辦煮碗做多次，好容易會悶。最近有兩套劇都係因為咁而搞到我冇乜興趣睇。
·
講返正題，點解呢個單元大家睇到咁投入呢？除咗大家都做過小朋友之外，陳家三個人嘅人設亦都好紥實。耀B演嘅東東經過幾個單元之後，已經知道佢係一個獨立聰明但係寂寞嘅小朋友，大家都好容易代入到。陳嘉輝做憨厚唔識表達愛意嘅老公，淨係識得搵食。高寧做一個進取嘅媽咪，為個仔嘅前途着想。呢啲人物喺我哋身邊都唔難遇到見到，甚至你同我都同佢哋差唔多。
·
三位演員都做得恰如其分。不過耀B佢啲集中力差啲，啲鏡頭一長啲佢就飛走咗，好在有個靚樣搭救吓，希望佢之後可以改善。
·
東東話佢鍾意《Peter Pan》，依家佢就同Peter Pan一樣，避開啲大人避開現實世界，去咗一個大人去唔到嘅地方生活，可以任意咁玩，又唔會長大。（其實鴉烏係咪即係Tinkerbell?!）
·
好鍾意佢帶出咗一個問題：父母應該點去教導小朋友面對現實。小惠同東東講話努力就一定會有回報，引導佢去勤力準備，為自己爭取最好，但佢自己就要喺爭取向上時卑躬屈膝。大隻廣就教佢無愧於心，正直生活就可以，但佢自己都覺但自己養唔起個仔同老婆係失敗。到底要好似膠罐咁令到東東有希望，定係好似阿蕭咁日啲同東東講事實先至好啲呢？如果膠罐無阻到阿蕭同東東講呢個世界唔公平，東東去到學校聽到富二代講話佢點努力都冇用，會唔會避免到佢喺之後成個價值觀崩潰而投向鴉烏婆呢？教導小朋友真係好難呀。
·
btw，係咪所有去咗鴉烏世界嘅小朋友都對大人無感覺呢？唔係喎，至少最後問小惠大隻廣拎返個乒乓球拍嗰個小朋友唔係咁。我估係佢放大隻廣同小惠入去，點解呢？因為係愛啩我諗。我有咁嘅解讀，係因為陳家啲相裡面佢哋最開心好似就係一家人打乒乓波嗰張，即係乒乓波係佢哋一家人最有愛嘅物件。我估計嗰位放佢哋入去異世界嘅小朋友都一樣好鍾意乒乓波，所以先會用乒乓波做「港口鑰」送佢哋去搵東東。嗚呀，原來有小朋友都仲等緊父母嚟接佢，我哋唔可以忘記呀，因為好似林老師咁講，忘記先係灰飛煙滅。呢個point我仲有感覺過大隻廣佢為咗老婆唔好傷心而明明記得東東都扮唔記得。無綫啲景真係要搞搞佢。
·
事先張揚嘅「曼德拉效應」條橋就係咁？
·
[彈] 唉，其實好多對白都太白，好多餘呀，打咗折扣。仲有個金宵舞廳廢墟真係一啲都唔廢，睇落仲好乾淨，可唔可以整污糟啲。
·
[演員表] 陳山聰 飾 蕭偉明 / 李施嬅 飾 Alex / 林子善 飾 膠罐 / 歐陽巧瑩 飾 Mia / 黃子雄 飾 佳爺 / 陸永 飾 蔡San / 康華 飾 Yuki / 劉江 飾 林老師 / 黃致豪 飾 水哥 / 鄭耀軒 飾 東東 / 高海寧 飾 周小惠 / 陳嘉輝 飾 陳忠廣 / 吳嘉儀 飾 鴉烏
·
#1230隔夜超短劇評 #TVB #金宵大廈 #葉鎮輝 #羅佩清 #陳山聰 #李施嬅 #林子善 #陸永 #歐陽巧瑩 #黃子雄 #康華 #劉江 #黃致豪 #鄭耀軒 #陳嘉輝 #高海寧 #吳嘉儀

*嚴禁劇透*
*粗口自行過濾*
*可瘋狂話戲屎但免外表批評人身攻擊*
·
[1230隔夜超短劇評][TVB][金宵大廈 EP05&06][娃]
·
[讚] 《娃》呢個單元比起《夢》同埋《嬰》嘅奇異元素更加明確，晴晴同埋Mary互咀精氣互換而交換咗身體，呢個幾過癮。
·
佳爺幫變咗做Mary嘅晴晴紥五手辮嗰幕係感動嘅。仲有寫到Mary佢真係鍾意佳爺都好正。「愛」係超越任何身份同埋形態。
·
[彈] 不過成個單元就唔係好到肉，個主要重心應該係「愛無分身份」。印度人Raj Sir同埋成人玩具娃娃Mary，兩個「娃」其實係同一樣嘢，一度有人反對嘅愛，晴晴對Raj係愛情，佳爺對Mary係友情親情，但兩父女對對方所愛之人都唔接受。
·
本來係好好嘅對比，可惜唔知係咪因為怕人話種類歧視而將佳爺對晴晴Raj Sir拍拖純粹演繹成為怕晴晴佢之後生活艱難。如果係寫佳爺對印度人有偏見，嫌棄Raj，咁就可以同晴晴覺但佳爺同公仔一齊生活係變態做個直接啲嘅對比。同樣，佳爺對住Mary只係純友情親情，其實可以寫盡啲，同佢真係有性關係都可以。當然最後晴晴變咗Mary 時可以寫佳爺有「突然靈感」而臨崖勒馬。好過依家兩邊都寫到唔係好夠力。
·
[演員表] 陳山聰 飾 蕭偉明 / 李施嬅 飾 Alex / 林子善 飾 膠罐 / 歐陽巧瑩 飾 Mia / 黃子雄 飾 佳爺 / 陸永 飾 蔡San / 康華 飾 Yuki / 劉江 飾 林老師 / 黃致豪 飾 水哥 / 鄭耀軒 飾 東東 / 鄧佩儀 飾 晴晴 / 鄧佩儀 飾 Mary / 陳振華 飾 Raj /
·
·
#1230隔夜超短劇評 #TVB #金宵大廈 #葉鎮輝 #羅佩清 #陳山聰 #李施嬅 #林子善 #陸永 #歐陽巧瑩 #黃子雄 #康華 #劉江 #黃致豪 #鄧佩儀 #陳振華 #鄭耀軒

高海寧在劇中不斷安排課外活動給東東，演活虎媽一面，加上搵仔時喊到崩潰一幕好好戲，獲觀眾激讚。想當年，高海寧年僅21歲參加2008年香港小姐競選，因身材豐滿而引來不少負面新聞，更慘被網民怒罵兼侮辱，令到她壓力大到每天困在洗手間狂喊，回家卻要扮無事。結果她患上抑鬱，將悲憤化做食量，肥了30磅，接受傳媒訪問時坦言：「唔真實都要屈到我係...點解全世界都唔鍾意我？」幸好高海寧得一班熟女朋友開導，「佢哋話啲新聞睇完都唔記得，唔會信。」她說。直至去年，高海寧在新劇《C9特工》首次擔正做女一，終被網民睇好成為繼李佳芯後，下個火速上位的女星。

我個人覺得 就憑今晚這集 地姐完全值得上今年的視後

每個細節 眼神 表情 神韻 都發揮得非常好

螢幕cp的感覺也出來 說不清 就是很喜歡兩個人都配合得很好 吹爆