[cp]《BB来了》原班阵容拍续集!黎诺懿挑战视帝
TVB艺员黎诺懿到电台宣传节目《懿想得到》,他指有份参与构思节目,现在节目出街,感觉好似BB出生一样,黎诺懿表示:“最初系谂住做一个怀旧节目,后来就用呢个构思加一啲嘉宾,慢慢磨合就有《懿想得到》呢个节目,请番啲对自己好重要嘅人出现,第一、二集有郑伊健、之后有家燕姐、鼎爷、李佳芯,佢哋都系我好紧要嘅朋友。Ali就最开心,大家知佢身体唔好,拍《BB来了》仲做咗个大手术,我话有个节目叫佢嚟玩,唔使记对白,安排好晒,佢初头唔信我,去到第三、四日就变番个少女,希望大家见到嘉宾另一面。”
黎诺懿又透露十月将开拍《BB来了2》:“今次会系连BB都系原班阵容,系上集延续,讲两年后‘允猪’大个咗,BB开始读书,产生问题。自从我个仔出世之后,我嘅工作都离唔开小朋友,我嘅事业同小朋友挂鈎,所以都唔使实习。”
问到续集是否打算挑战“视帝”?他笑说:“其实我每一套都挑战,但每次都冇人理我,就嚟出街嘅《街坊财神》我都系挑战视帝,得唔得又系另一件事。《懿想得到》我都系挑战最佳节目主持,样样都挑战吓,攞唔攞到系一回事,要畀自己目标。”[/cp]